Cebuano Spoken Poetry

  •SAYANG NGA KATUIGAN• (Wasted years) Imong kinabuhi nasayang sa walay kapuslanan Nagbuhat sa matag adlaw sa dili angayan Daghang panahon imong nausikan Wala jud ka sa Dios napuslan Mga sayang kaayo nga katuigan. Kadaghan sa taw nagtan aw nasayangan kay ikaw naglakaw sa walay pulos nga dalan Sa bisyo, sugal ug inom imong gisulayan daghan nagsubo ug naglingolingo kay wala ka napuslan Wala nalipay nagtan-aw ang imong ginikanan. kay hilahiban nimo kahisalaag sa saktong agianan. Tan awa ang ubang kinabuhi ug sayri kinabuhi nahisalaag wala nila matngoni Nagkabungkag ilang relasyon ug nagkasukwahi Anak ug ginikanan kanunay nagkabangi kanunay naghamdum nga sila magka-uli. Pamalandongi kanunay imong adlaw Basin molabay lang kini ug mahanaw Mga oras ug panahon dili na mabanhaw Walay pulos imong pagpanaw Kon sa dalan ni Kristo wala ka naglakaw. Busa karon naay ka pay higayon Ayaw na usiki ug magpadayun Sa kinabuhi mag alagad isip cristohanon Aron sa Dios ikaw lipayon Imong paglakaw magmausw...

         °SA IMONG KASAKIT° Kon ikaw karon naa sa pag antos Hunahunaa si Ginoong Jesus Ang Iyang kasakit didto sa krus Aron lamang ikaw Iyang matubos. Wala man gani Siya misibog Iya kining gibuntog Maski yawa nabulabog Kay mga taw dili na maglibog Kay ang sala Iya ng gipakatolog. Sa imong pag antos karon Dili lang ikaw nakaagi sa ingon Daghan usab lisod makabangon Kay nalukapa na sa pagpadayon. Hinumdumi nga dili kini pirmanenti Sa kinabuhi molabay ra man kini Ayaw usa palupig niini Basin dili na ikaw maka abante Ug sa kinabuhi mapilde. Apan pasalamat kanunay sa Ginoo Kay gitugot ni Niya kanimo Aron ikaw makakita sa Iyang gahum mismo Masinati kini nimo kon ikaw motoo Sa saad sa Dios nga sigurado. Busa ayaw na kaluya Totok ka lang kanunay Niya Kay kanunay andam Siya Sa pag agak nimo maski kanus-a Kon kaniya mosalig lamang ka Hunahuna kanunay ang Dios higala Ug kasakit mahupay na. Ang Dios magapanalangin. Compose by : pms

                                  ° DAKUNG GUGMA SA DIOS° Nakalimot na ba ikaw ug wala gayud mahinumdum Nga sa gugma sa Dios grabe ka lalum Ang sala sa imong kinabuhi wala nay gahum Diin Iyang kinabuhi gihalad aron ikaw sa langit mahaum. Mga bugalbugal para Niya walay sapayan Mga syagit wala gipanumbaling maski Iyang dughan nasakitan Gilatigo ug sa sampinit gikoronahan Ang krus nga kahoy Iyang gipas-an. O kadaku sa gugma sa atong Dios Amahan Nga ni Cristo kita gipadad an Dili unta kita angayan Apan Iyang bugtong Anak gitahan Aron sala ta dili na makit-an. Unta higala imong pamalandongan Sa imong pagtoo ang Dios ikaw kahimot an Nga ikaw maka angkon sa dakong kaluwasan Sa langit na imong padulngan Ug kini sa eternidad imong unya makamtan. Gihigugma ka sa Dios higala. Composed by : pms

                                                °Ang Pulong Sa Dios° Ikaw ba nakabasa na sa Bibliya? Namalandong ka na ba karong adlawa? Kay sa Dios kanato kini gituga Sa pagbasa niini makaayo sa atoa Aron kinabuhing Kristohanon makaya. Pagkaon kini sa atong kalag Sa matag adlaw kaon aron ikaw dili mayabag Kalag nimo mabusog ug modan-ag Si Cristo mohari ug sa kinabuhi mohayag Ug maglakaw ikaw puno diha sa kahayag. Kini kaalam ug giya alang kanimo Aron kini mopuyo kanunay sa imong ulo Mapuno ikaw kanunay sa daghang kahibalo Ug magmaalamon ka sa matag gutlo Makahimo usab ikaw pagpanudlo Ug daghan maayong pagtulon an ilang makutlo. Ayaw sa pagbasa ikaw magtapol Basin ikaw dili na sa Ginoo makatoltol Ug dali ra ikaw sa kinabuhi mapandol Sa daghan pagsulay ikaw magkagool. Basaha kini matag adlaw Aron ikaw matagbaw Sa pulong sa Dios nga tin aw Aron kinabuhi mo mousbaw Ug ang...